Dentista Hendrik Marsman a trece dilanti durante un conferencia di prensa e preocupacionnan continuo tocante cuido dental na Aruba. El a menciona e caso di un ortodontista cu a stop di traha na Aruba debi na su status ilegal. Mas recientemente, Inspectie Volksgezondheid a tene un encuentro cu 45 profesional den sector dental, incluyendo dentista, ortodontista y tecnico dental, como parti di un investigacion amplio. E investigacion, cu sosten di e staf medico militar di dentista, a revela cu e leynan dental di Aruba no ta cla y tin hopi aspecto scondi. Sinembargo, a confirma cu tecnico dental no tin mag di traha den boca di hende. Esaki a causa un shock, ya cu Aruba Dental Society pa hopi aña a señala e situacion aki sin cu accion a wordo tuma.
