Cu un subsidio di un miyon euro di Open Science NL, e parti Caribense di Reino Hulandes lo ta estableciendo un red pa mehora e competencianan den data digital. Esaki ta specialmente importante, pasobra e intercambio di data no ta habitual den e region. Ademas, con lo por colabora na un manera efectivo si bo colega ta biba riba un isla na 800 kilometer di distancia?
Na Europa, incluyendo e parti Europeo di Reino, un cultura di transparencia a surgi, segun Esther Plomp, e futuro coordinado di e red. El a presenta e solicitud pa subsidio den nomber di colaboracion CHECK (mira e box abou). ‘Hopi biaha otro pais ta mira Hulanda como e modelo ta con sciencia habri y maneho di data ta promovi. Den e region Caribe, sinembargo, e actitudnan ta keda cauteloso.’
“Nos mester un shift cultural y confiansa den e otro partidonan pa permiti e partimento di data. Un red por apoya e cambio y yuda construi confiansa entre e diferente partidonan interesa.”
‘Hopi biaha ta percibi comparti data como riesgoso akinan,’ Plomp, cu ta labora na University of Aruba, ta bisa. ‘Kico ta pasa si otro ta mal uza e datanan of si comparti data ta nifica cu e investigado original ya no ta necesario of reconoci? Kico ta pasa si datanan ta contene eror?’ E incertidumbre aki por conduci cu e partnernan lo prefera di mantene control. Publica den repositorio of por medio di articulo den revista no semper ta considera valioso. ‘Nos mester un shift cultural y confiansa den e otro partidonan pa permiti e partimento di data. Un red por apoya e cambio y yuda construi confiansa entre e diferente partidonan interesa.’
Adresando e problemanan hunto
Pero e red nobo ta busca mas cu solamente un cambio cultural. ‘E islanan ta enfrenta desafio debi na e falta di experiencia specifico, capacidad limita y rednan fragmenta,’ Plomp ta splica. Na mes momento, e islanan ta lucha cu hopi problema similar. E colaboracion den red lo permiti e partnernan haya solucionnan na un manera mas eficiente y complementa e conocemento di e demas. ‘Di e manera ey, e personanan no mester sigui inverti tempo y energia den resolve e mesun problemanan riba nan mes.’
E decision pa crea un structura di red tabata delibera. Un DCC local of regional lo focus primeramente riba e prioridadnan universitario. Pero, den Caribe e organismonan gubernamental, e ONG-nan, e bibliotecanan y otro organisacion tambe ta posee conocemento balioso, Plomp ta enfatisa (mira tambe texto abou: ‘E panorama di investigacion y educacion superior di Caribe’). E red lo duna tur e partidonan interesa aki un rol igual.’
Treciendo e partidonan hunto
E prome paso di e red ta pa identifica e partinan regional interesa den e competencia di data, desaroyo di habilidad y hunto adresa e desafionan relaciona cu data. E grupo aki ta un grupo di partido interesa hopi diverso, Plomp ta bisa. ‘Door di involucra tur e partidonan interesa den e creacion di e red, nos ta spera cu e ta refleha nan interesnan, haciendo cu nan participacion ta mas accesibel.’
Pa sostene esaki, lo desaroya liñanan di guia: kico ta un grupo di trabou, kico ta spera di e partcipantenan, con lo maneha comunicacion? E organisadonan tin como obhetivo pa opera na e manera mas habri posibel, sirbiendo como ehempel of siendo un inspiracion pa e acercamento desea. E coordinacion y facilitacion di e red tambe lo ta escencial. Plomp lo fungi como e coordinado di e red for di Aruba. Ademas, lo tin coordinadonan local y asistencia administrativo na Curacao y Sint Maarten.
“Nos lo tene reunionnan biannual y e gruponan di trabou por reuni mas frecuente.”
E eventonan ta clave
E actividadnan central de e red ta e organisacion di evento, reunion y grupo di trabao rond di e temanan cu e propio participantenan ta considera importante. Tambe lo pone capacitacion y material di esaki na disposicion. ‘Di e manera aki, nos ta construi capacidad local’, Plomp ta bisa. ‘Asina aki nos ta spera di reduci e drempel pa hende por ta envolvi.’’
Mirando e distancia grandi, di hasta 800 kilometer, entre e islanan, e momentonan di conexion ta crucial, tanto online como en persona. P’esey, e reunionnan lo ta un parti importante di e proyecto. Plomp: ‘Nos lo tene reunionnan biannual y e gruponan di trabou por reuni mas frecuente. Nos ta spera cu e participantenan lo ta entusiasma cu
e gruponan di trabou cu nan ta forma parti di dje y tuma e rol di liderazgo cu nan. Nos obhetivo ta pa construi un red di abou bay ariba.’
Transformado
Ora a puntra Plomp kico ta e resultado personalmente p’e mas importante, Plomp a destaca cu ta e capacitacion di e transformadonan di e Red Local. ‘E transformadonan lo ricibi capacitacion pa asumi e rolnan di liderazgo den e red y salvaguardia e interesnan local. Finalmente, mi ta spera cu esaki ta nifica cu lo mester menos coordinacion di parti di e universidadnan mes, ya cu e partnernan tin e hermentnan y capacidad pa lidera nan mesun iniciativanan.’
E panorama di investigacion y enseñansa superior di Caribe
Tin cuater institucion principal di enseñansa superior y insititucion di investigacion den Caribe cu ta forma parti di Reino Hulandes:
• University of St. Martin
• University of Aruba
• University of Curaçao
• Instituto Pedagogico Arubano
E institucionnan aki ta ricibi financiamento tanto publico como priva y ta elegibel pa hopi subsidio di NWO. Den aña 2024, e institucionnan a uni pa forma CHECK: the Caribbean Higher Education Council of the Kingdom of the Netherlands. E obhetivo ta pa colabora den enseñansa, investigacion y intercambio di conocemento. E solicitud di subsidio recientemente otorga tabata solicita den nomber di CHECK.
Adicionalmente, tin institucion mas chikito cu ta ofrece enseñansa profesional superior y/of cu ta realisa investigacion, manera Caribbean Netherlands Science Institute na Sint Eustatius, e National Institute for Professional Advancement na Sint Maarten, y Stichting Nationale Parken Bonaire. Hopi di e institucionnan tambe ta colabora estrechamente cu partnernan di Hulanda Europeo. Finalmente, cuater universidad medico priva ta situa den Caribe.
