DVG ta informa
“Ningun momento un persona cu a test positivo pa covid tabata cana rond formando un peliger.”
Aruba –18 juli 2020: DVG ta lamenta e informacion incorecto cu a keda publica den medionan social ayera. Ningun momento un persona cu a test positivo pa Covid 19 corona virus tabata cana rond aki na Aruba creando riesgo pa otronan wordo contagia cu e virus.
E Crisis di Covid 19 corona virus ta algo sumamente serio cu tin efecto no solamente riba e salud fisico di e pashent pero tambe riba su salud mental di henter nos comunidad.
P’esey DVG ta pidi tur esnan cu ta maneha medionan social y periodistico pa ta hopi mas cuateloso cu informacion personal di otro y evita di causa panico inecesario.
Alaves mester respeta privacidad di hende cual ta algo hopi serio, no por core publica informacion personal sin sa cu e informacion ta berdad of confirma, specialmente riba e tema aki di Covid 19.
DVG semper ta dispuesto pa suminstra of confirma informacion pero mester tin comprencion tambe pa cantidad di informacion cu por duna. Ta asina hunto nos por contribui na reconstruccion di nos pais.
Nota di redaccion: E noticia aki a keda publica riba un portal “inconfiabel”, cual a crea un panico den comunidad diabierna anochi.
Manera SOLO a trece dilanti, DVG diabierna anochi no a confirma e informe. Obviamente tin un grupo den of rond di crisisteam cu ta saca tur informacion benta riba caya, dañando e integridad di e team pero tambe crea panico.
