Diadomingo 25 di mei, di 10:00 pa 17:00 hr, lo tin mercado nacional cu diferente disciplina di arte riba Plaza De Brink, (un mercado manera na ‘Montmartre’ di Paris y otro luganan turistico).
Gustave Nouel (www.gustavenouel.nl), specialista den portret contemporaneo, ta invitado especial (atrobe) pa comparti su performance di pintura ‘HOMENAJE NA REMBRANDT’ cu e publico presente na Deventer.
Durante su juventud, Gustave a logra hopi experencia artistico riba plaza y caya internacionalmente, entre artista y pintornan di henter mundo. GN a hasi hopi hende feliz cu su “portretnan crea riba caya”.
Riba ‘De Brink’, e plaza central di Deventer, Gustave lo bin cu varios miembro di associacion di artista DAK (https://www.deventeramateurkunstenaars.nl/) y artista regional cu a sigi su cursonan universal di sketch y pinta portret.
E artista Arubiano Gustave Nouel lo guia e artistanan Hulandes aki, con pa hasi e publico contento, a cambio di un contribucion voluntario!
Associascion di artista DAK a aserca Gustave algun aña pasa y a pidi e pintor Arubiano pa guia nan miembronan artista cu su expertise den Arte en general y street-portraits en particular.
Ultimo añanan e Arubiano a comparti su expertise na Centro Cultural Kunstcircuit, na su atelier priva y cu artista miembro di associacion DAK.
Algun artista profesional reconosi cu DAK ta selecta, ta guia otro artistanan di region, riba tur nivel, den diferente disciplina. (https://www.deventeramateurkunstenaars.nl/lessen-en-begeleiders-1)
Tin artista di tur nivel cu amor pa arte cu ta miembro di DAK. Di principiante te cu maestro di arte y hasta artista académico, Pasion t’e motor principal cu ta move artista di DAK.
Debi n’egraninteres p’e performance/demostracion di pintura cu Gustave (GN) a comparti internacionalmente pa hopi aña caba, e pintor di portret Arubiano cu ta biba na Deventer ta bisa cu ela dicidi di continua cu su ‘HOMENAJE NA REMBRANDT’ y comparti esaki mientras e por…
