RDA: Manera informa den e ultimo relato di prensa di RdA, a extende e tempo pa por entrega e
proposicionan te cu Juli 31, 2020 pa tanto e REOI-1 como tambe REOI-2. RdA desde inicio a ricibi instruccion di su aandeelhouder pa coordina e proceso di tanto REOI-1 como REOI-2. Pa guarantisa transparencia total a contrata oficina di notario New Leaf Notary pa guia e proceso cu tur interesado y colecta tur informacion pertinente y necesario. Tambe RdA ta responsabel pa institui un Advisory Branch, cu ta consisti di expertonan riba diferente ramo, cu lo asisti RdA den evaluacion di tur e proposicionan ricibi. RdA lo mester sigura di tin por lo menos e siguiente experto nan representa den e comision aki; experto internacional riba industria petrolero, experto riba tereno finaciero y economico, experto riba tereno ambiental y un consehero huridico.
Cada oferta lo wordo evalua segun e siguiente puntonan:
- E futuro actividad riba e tereno di e refineria di Aruba mester tin como obhetivo haci un
contribucion significante na economia y na e mercado laboral local; - E actividad pa futuro lo mester cumpli tambe cu regulacionan local y e miho paractica di
industria y medio ambiente, salud y seguridad; - E actividad pa futuro lo mester tene cuenta tambe cu maneho di Reino Hulandes riba
tereno di relacionan exterior, como tambe tuma na consideracion e sancionan
economico y comercial manera enforza pa OFAC di Merca
Manera anuncia caba, e fecha limite pa entrega e propuesta di cada participante ta vence 11:00 mainta riba diaberna, 31 juli, 2020. Despues, pa su mesun atardi lo bai tin un press event den e press room na Bestuurskantoor. Presente lo ta notaris y staff di New Leaf Notary, representante di Directive Branch ( MinPres of representante); representante di Advisory Branch (RdA); miembronan di prensa, sea presente of via life streaming, dependiendo di e COVID press protocol. Den e evento, cual lo wordo guia pa notaris, lo bai duna un relato completo di henter e proceso y na final presenta tur e companianan cu a desposita nan oferta pa wordo evalua pa e Advisory Branch den e siguiente simannan.
