Diasabra mainta ta cuminsa resa Santo Rosario pa 6.15.
Pa 7 or di mainta, Santa Misa ta cuminsa na Kapel di Alto Vista y Blue Army
Pa 6.15 mainta ta resa santo Rosario, “Misterio Gososo”, despues ta sigi cu Salve Regina.Ta invita tur deboto y fielnan di Mama Maria cu ta entercede pa nos na nos Tata Celestial. Santo Sacrificio di Misa tin hopi balor pa tur cu ta asisti cu debocion na e ora sagrado aki. Nos ta corda riba nos defuntonan stima. Nos rumannan sufriendo, pa un of otro motibo. Pa nos hobennan cu ta bay den examen e luna aki. Cu Dios duna forsa spiritual pa e comunidad di Antiya. Cu Papa Leon XIV ricibi iluminacion y forsa di Spirito Santo. Pa Administrador di Obispado Willemstad Charles Jason Gorden, tur sacerdote, Diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Pa enfermonan den exterior cu a bay busca nan salud, su pronto por regresa na Aruba pa sigi gosa di un bon salud.
Luna di Juni ta dedica na Corpus Christi. 11 di juni ta fiesta di Sagrado Cuason di Hesus. 12 di juni fiesta di Inmaculada Curason di Maria.
Ban hunto resa pa nos hogar y nos isla Aruba y henter mundo, pa tin pas y comprencion un
pa otro. Den nos oracionnan resa pa Oekrania y Rusia, cu nan por yega na e pas desea.
