Awe, diabierna 13 di juni 2025, ta fiesta di san antonio di padua, e amigo grandi di dios y di hende.
Confradia “pan di san antonio” e aña aki ta recorda cu 44 aña pasa a cuminsa na un manera organisa cu e debocion na San Antonio di Padua cu e trecena na honor di San Antonio na misa Maria Inmaculada Concepcion Sta Cruz!
Pastoor Jairo y Pader Hose hunto cu Confradia “pan di san antonio” ta invita tur deboto y fielnan pa asisti na misa Inmaculada Concepcion Sta Cruz pa su fiesta.
6.00 pm: canto y oracionnan na honor di San Antonio.
6.45 pm: prosecion den misa mes.
7.00 pm: santo sacrificio di misa pa gradici Dios pa tur fabornan ricibi y pa roga pa paz y trankilidad pa Aruba y mundo henter.
Coro Inmaculada Concepcion lo tey cu bunita canticanan na honor di San Antonio!
E santonan ta siña nos un caminda sigur pa alcansa felisidad eterno apesar di e turbulencianan di bida.
Laga nos sigi e caminda di santidad cu San Antonio ta propone na nos: laga nos cana den caminda di amor y yena nos curason cu anhelo pa busca e reino cu ta bini.
