Muchanan no ta scoge pa nan mayornan separa, pero ta e mucha mes ta esun cu ta sinti e impacto mas profundo. Divorcio/separacion ta word reconoci internacionalmente como un di e ACE’s Adverse Childhood Experiences, cu por laga efectonan negativo a corto of largo plazo.
Tur mucha tin un derecho fundamental: Pa tene un relacion saludabel y consistente cu ambos mayor. Pa yuda famianan logra esaki, Plan di Mayor Aruba ta ofrece guia, mediacion y plan di crianza comparti cu envolvimento di e mucha mes.
Tur Mucha Tin Derecho Na Contacto Regular Cu Tur Dos Mayor
Den caso di un separacion, e riesgo ta grandi cu un di e mayornan por bira ausente, no solamente fisico, pero emocional tambe. E situacion aki por crea desbalansa y dolor pa e mucha.
“Nos no ta papia di preferencia di mayornan. Nos ta papia di un derecho di e mucha un derecho pa stima, pa sinti sigur, y pa tin dos hogar, no dos lucha,”
Un Plan di Criansa Comparti:
Plan di Mayor Aruba ta traha cu mayornan pa desaroya un plan di criansa comparti, cu ta un guia basa ariba acuerdonan haci durante mediacion encera entre otro:
- Tempo comparti entre mayornan (Areglo di bishita/Omgang)
- Comunicacion ariba nivel di Mayor (frequencia, forma)
- Apoyo y Sosten
- Decisionan importante den e mucha su bida
- Con nan a puntra e mucha su opinion ora nan a diseña e plan di criansa.
“Criansa Comparti ta un compromiso na e bienestar di bo yiu, no cu bo ex,”
KIES: Duna Stem Na E Mucha
Un punto unico den e metodo di Plan di Mayor Aruba ta e uzo di KIES un tipo di mediacion familiar cu ta duna e mucha un stem den e proceso di e desaroyo di e acuerdonan den e Plan di Mayor.
Un mediador di KIES ta papia cu e mucha (segun su edad y desaroyo) pa e mucha por expresa kico e ta sinti, kico e ta desea, y kico e ta spera. E opinion di e mucha ta wordo comunica na e mayornan pa nan por traha den su bienestar.
Plan di Mayor Aruba: Servicio Gratis y Confidencial
Plan di Mayor Aruba ta traha pa:
- Provee sosten ariba e problematicanan cu por presenta prome, durante, y despues di un separacion.
- Mediacion pa traha un Plan Di Mayor cu acuerdonan forma cu respet teniendo e mucha su bienestar central.
- Envolve muchanan y nan opinion den e formacion di e Plan di Mayor, su opinion tambe ta conta!
Un mucha cu tin acceso na ambos mayor y tin e libertad pa forma lasonan saludabel cu ambos mayor ta desaroya mihor den e areanan di emocion, relacion social, autoestima y escolar.
Pa e mucha por forma laso sigur cu ambos mayor e ta rekeri esfuerso intencional di mayornan pa comunica den un forma respetuoso, resolve conflicto den un forma saludable, y mediacion ariba un plataforma neutral na plan di mayor por juda mayornan yega na esaki.
Kico Bo Por Haci?
Si bo ta pasando den un separacion,divorcio of si tin conflicto cu e otro mayor tuma contacto cu:
Plan di Mayor Aruba
📍 2ndo piso MFA Santa Cruz
📞 Tel: 280-0025 Whatsapp: 569-6871
📧 Email: plandimayoraruba@gmail.com
🌐 Website: plandimayor.org
“Un Mucha No Mester Skohe E Tin Derecho Na Tur Dos Mayornan”
Laga nos honra e derecho di e mucha pa tene un laso sigur cu su mama y su tata.
Plan di Mayor Aruba ta aki pa sostene den esey.
