Un biaha mas, Botica di Servicio a logra conclui e campaña di cambio di botica den april, unda cu ta premia tanto miembronan nobo como tambe miembronan existente cu tremendo premionan manera un biahe pa Colombia pa dos persona, Spa pa dos persona, 20.000 punto di Fun Miles y algun premio mas.
Durante e luna di april, esnan cu no tabata miembro ainda di Botica di Servicio a haya e oportunidad di haci e cambio di botica y asina ricibi un regalo di gradicimento pa cu esaki. E miembronan nobo aki, hunto cu e miembronan existente, ta participa pa e chens di gana un di e tremendo premionan cu tabatin durante e campaña.
E exito di e campaña aki no lo ta posibel si no ta pa e dedicacion y esfuerzo di e team completo di Botica di Servicio. Di e team di apothekers y apothekersassistent pa e team di sales representatives na cada un di e team cu a hugna un rol importante den ricibi e miembronan nobo y compartiendo cu nan e beneficionan cu ta trece cune ora di haci e cambio.
Botica di Servicio ta sumamente orguyoso di e compromiso cu e team ta sigui trece y asina permiti pa crece mas y mas cada dia hunto cu su miembronan.
E cambio aki di botica ta tuma lugar dos biaha pa aña, esta den april y october–brindando e oportunidad pa por yama bon bini na mas personanan y brinda un servicio cu excelencia.
Botica di Servicio un biaha mas kier extende un pabien na tur ganadornan y tambe yama bon bini na tur miembro nobo.
