Aruba Bank ta sigui demostra su compromiso cu desaroyo y innovacion, y ta orguyoso di anuncia su inversion di mas nobo: un “Drive-Thru Center” completamente nobo na Savaneta, cu construccion ta cuminsa na juni 2025 y ta planifica pa habri su portanan pa publico na final di aña 2025. Esaki ta parti di Aruba Bank su esfuerzo continuo pa “Crece Hunto” cu comunidad y pa sigui introduci facilidad y conveniencia na cliente.
E facilidad nobo na Savaneta lo ta obtenibel 24 ora pa dia, 7 dia pa siman, y lo inclui:
• 3 “ATM Machines” pa lanta placa, cambia PIN, print “Mini Statement”, y verifica saldo.
• 3 “Smart Deposit Machines” pa deposita placa ariba cuenta Personal of di Negoshi te cu un maximo di AWG 10 mil of equivalente na USD, sin gasto adicional.
• 1 “Night Depository” pa deposito comercial cu seguridad.
Segun Edseline Leer-Semeleer, Head of Retail Department, “Nos ta compromete pa brinda facilidadnan bancario innovativo y conveniente pa nos comunidad. E facilidad nobo ta un paso mas pa mehora nos servicio di self-service y pa crea un experiencia bancario superior pa cada cliente.”
Aruba Bank ta invita comunidad di pariba di brug y Aruba henter pa sigui e progreso y prepara pa usa e facilidad moderno y conveniente. Cu e expansion aki, Aruba Bank ta cumpli su promesa di sigui crece cu comunidad di Aruba y ta pone self-service banking na un nivel mas halto. Pa mas informacion, tuma contacto cu Aruba Bank of bishita nos pagina www.arubabank.com
