Ta imporante pa check bo app of e-mail pa no pasa manera e persona cu a bin di Chile, cu a lubida di wak su app
Durante di un media briefing diaranson anochi, Minister di Turismo y Salubridad Publico, Sr. Dangui Oduber a duna un update riba asuntonan di covid-19. Minister Oduber a bisa cu despues di 29 dia cu nos a habri nos fronteranan pa Europa y tambe Merca nos ta mantene na 14 caso activo. Den e ultimo 5 dia nan no tabata tin ningun caso postivo. Dialuna a splica riba Aruba Health App cu tur turista y cu tur local mester download na momento cu nan yega Aruba na entrada. E app aki ta hopi importante, pasobra tur turista y local mester download e app pa nan haya tur informacion relevante di covid y tambe ta importante pa nan haya resultado di nan test nan. Lo haya resultadonan di nan test dentro di 7 ora. Ta hopi importante pa menciona cu e turista y local mester yena e informacion corecto manera nan email y tambe nan number di telefoon. Nan mester controla esaki si loke nan a yena ta cuadra pa di e forma aki nan haya e resultado di nan PCR test cu nan ta hasi na aeropuerto dentro di 7ora.
Caso di persona cu a bini di Chile:
Minister Oduber a reaccion riba e persona cu a bini for di Chile cu a lansa critica. E meneer a download su app pero e la lubida di wak su app, tambe e’la lubida di wak su email y prefera di bay duna un entrevista nan un medio local, enbes di bay wak su app y email, unda e’la haya su resultado na momento cu e tabata dunando su entrevista. Ya caba casi dos dia prome e’la haya su resultado di su test, pues pesey ta hopi inportante nos pone hopi efasis na e importancia di download e app y pa controla tambe e app despues di bo yegada pa bo haya resultado dentro di 7ora.
Nos ta hopi agradecido y contento tambe satisfecho cu e app con e ta funcionando con e ta yudando nos pa e resultado muy especialmente e test nan ta un grupo di profecional hopi dedica a develop e app aki den colobracion cu ministerio di Salud Publico Turismo y Deporte hunto ATA hunto cu DVG, Setar, Triple A y tambe IASA sigur tambe nos ta orguyoso di un app cu Aruba a considera un pionero den mundo, como nos ta provide un app na turista unda cu nan ta haya un resultado di nan test asina lihe y tambe otro informacionnan cu ta hopi importante pa nan mes.
