Diasabra, 21 di juni 2025, e atencion di tur fanatico di futbol lo ta riba e gran final di Division di Honor Oro y un kinteto di arbitro experencia y ambicioso ta cla pa dirigí e partido clave akí. E Departamento di Arbitro ta expresa su orguyo y satisfaccion cu e ekipo selecta, cu a demostra di ta capaz pa un anochi inolvidabel di futbol.
E kinteto ta consisti di:
- Arbitro Principal (RC): Ricangel de Leça. Cu 11 aña consecutivo riba e lista di FIFA, Ricangel ta un figura conoci y respeta den e mundo di arbitrahe. Su plan ta pa sigui su carera internacional te na 2026, locual ta un testamento di su dedicacion y profesionalismo.
- Arbitro Assistent 1 (AR1): Jade Salamatin. Tambe cu 11 aña consecutivo riba lista di FIFA como assistent, Jade ta bin cu un rikesa di experiencia cu lo ta crucial pa e fluho di e wega.
- Arbitro Assistent 2 (AR2): Tristan Vermeulen. Na su prome aña riba lista di FIFA como assistent, Tristan ya caba ta creando nomber pa su mes riba escenario internacional, mustrando su talento y potencial grandi.
- Di Cuater Oficial (4th): Jerwin Giel. Cu tres aña di experiencia como árbitro, Jerwin tin e ambision cla pa yega e lista di FIFA, indicando un futuro prometedor den arbitrahe.
- Di Cinco Oficial (5th): Arron Stamper. Cu dos aña den e funcion di árbitro, Arron tin e deseo grandi pa duna e siguiente stap den su carera, demostrando un compromiso fuerte pa desaroya su mes.
E Departamento di Arbitro ta sumamente contento y orguyoso di su team di arbitro, kende a proba di ta prepara pa dirigi un final tremendo di nos deporte mas stima. Nos ta desea nos team tur clase di exito!
