Diabierna anochi automobilistanan riba e caminda di Green Corridor a informa di un accidente serio poco mas pabou di rotonde di Balashi(drive inn).
Polis ta haya informacion den careda di 10’or di anochi cu un auto a bolter na altura di e fabrica di Balashi.
Mesora varios unidad mesora a sali pa e sitio, debi a papia di un accidente pisa.
Na yegada di polis nan ta topa cu auto Honda ariba su dak.
Paramediconan cu a yega prome segun nos a compronde, a ricibi ayudo di hendenan cu lo a mira kiko a sosode pa saca e ocupante.
E mesun testigonan aki a splica polis kiko nan a presencia, velocidad halto y maniobronan desproporcional a causa cu e auto a bolter.
Despues di e a wordo saca di e vehiculo e chauffeur a wordo transporta pa Hospitaal.
Den oranan di diasabra marduga a sosode un otro accidente serio mas pabou riba e mesun caminda.
