Diamars anochi a cuminza circula riba rednan social, cobransanan di un compania di accounting pa Serlimar.
Dicho compania na 2019 a cobra 230 mil florin pa su trabaonan.
Te cu recien, e alegacion aki a keda treci dilanti pa Minister Bikker, pero un rato despues a keda desmenti pa su colega Minister na airport.
Cu e recibonan aki cu awor a subi red social nos ta confirma e ora cu;
Na 2018 y 2019, no un, pero dos casa di parlamentario di POR, dus ambos casa, tabata traha pa Serlimar.
Uno cu compania di security y otro cu compania di accounting.
SOLO DI PUEBLO no ta trece esaki como un critica, pasobra nan a haci nan trabao y nan ta profesional, igual na tur otro compania cu ta duna servicio na Serlimar.
Loke si nos ta accentua ta: Cu no ta un casa so a traha pa Serlimar, sino dos casa.
No ta husto pa trece solamente un casa den lus publico, sino tur cos casa. Con por asumi/ pretende e ora cu un ta corupto? Y e otro ?
