Aruba- Women’s Club of Aruba (WCA) tabata tin su ceremonia di Student Awards dia 11 di juli ultimo, caminda a honra e miho graduadonan di pais Aruba. Dos hoben no por a haci acto di presencia, pasobra nan scol mes tabata tin entregamento di diploma e anochi ey. Sinembargo despues cu e evento a tuma luga, comision di Student Awards di WCA a honra e miho graduadonan di Colegio EPI Unit Hospitalidad & Turismo den persona di Charmaine Valerie, e miho den Associate of Science degree (A.S.) y Jianwen Lu, e miho den Associate of Applied Science degree (A.A.S.). Cu esaki WCA ta desea e dos hobennan aki hopi exito cu nan siguiente decision.
Masha pabien!
