Un rato pasa, esta riba 27 di juni 2025, un yiu di tera a logra su diploma di dokter na Madre Patria, Hulanda. Ta trata aki di Melinda Ruiz, kende a ricibi su diploma di ‘geneeskunde’ na Rotterdam, Hulanda. Ya for di inicio di juni, dokter Ruiz a cuminsa labora como ‘ANIOS Cardiologie’ na Reiner Graaf Ziekenhuis n’e ciudad di Delft.
Melinda semper tabata decidido cu e kier a bira dokter. Prome cu esey, su interes tabata mas bien pa bira un veterinario, pero cu tempo el a descubri un curiosidad grandi pa sa mas tocante e funcionamento di e curpa humano.
E satisfaccion di yuda un persona cu su salud ta algo cu ta yena Melinda cu satisfaccion. Awo dokter Ruiz ta spera di amplia su experiencia den e departamento di cordiologia, p’asina por tuma e proximo paso di specialisacion den futuro.
Famia di dokter Ruiz ta sumamente orguyoso cu e logro aki. Apart cu e ta un logro personal, e famia ta carg’e tambe. E ta ricibi palabra di pabien for di su mama Mady Laurence, su tata Jeffrey Ruiz, su ruman Melanie Ruiz, su pareha Shawn Wever y Marc Kelly kende t’e pareha di Melinda.
Den un discursco elocuente durante ceremonia di graduacion, dokter Ruiz a vocifera: “Mi kier a duna danki na mi famia, mi mayornan, mi ruman muhe, cu a bula dies ora pa ta akinan cu mi riba un dia asina special pa mi. Danki pa Boso sosten y pa duna mi e espacio durante e weekendnan cu mi no tabata por a videocall paso mi tabata bezig ta leer asina duro, danki. Marc, mi pareha, abo a maak tur cos mee cu mi, e anochinan sin drumi, e lagrimanan, bo a wanta mi man door di tur esey. Na mi famia-y amigonan cu ta wak for di cas, danki pa boso sosten. Mi ta stima boso.”
Nos ta desea dokter Ruiz hopi exito den e siguiente stapnan den su carera. Aruba ta orguyoso di por yama un otro yiu di tera mas dokter.
