Oranjestad, Aruba – Mientras hopi ta sigui repiti retorica cu e proyecto di Atletiek Baan na Santa Cruz tabata un sorpresa of di ultimo hora, e realidad ta cla:
E proyecto aki no a cay di cielo.
Tur cos a inicia cu un carta formal.
Desde 1 di maart 2023, presidente di Federacion Arubano di Atletismo a manda un solicitud formal na Ministerio di Deporte. Nan a pidi un pista digno na Santa Cruz, cu infrastructura profesional pa desaroya nan deporte. E carta aki, CAD tambe tine!
E carta aki ta e base di tur loke a sigui despues.
Ta un documento oficial cu no por wordo nenga, ignora, of wanta atras.
Ministerio a actua desde comienso
Desde e momento ey, ex-Minister Endy Croes a tuma su responsabilidad pa move e proyecto: A tene reunionnan, a traha riba diseño y plan di infrastructura, a busca manera di financia, cual a logra financia den presupuesto di pais Aruba, cual a wordo aproba tambe pa parlamento na December 2024.
No a logra fondo via Deci (economische zaken)
E proyecto a pasa den comicion di DEACI encarga un analisa inversionnan di pais Aruba, pero e momento ey e protecto no logra haya fondo via DEACI.
Un contrato formal cu ASU
Conforme tur conseho huridico, a cera corectamente y legalmente un “bestedingsovereenkomst” cu ASU, definiendo e rol, e responsabilidad di ASU. DWJZ a confirma cu e bestedings overeenkomst ta legal.
Finalmente, CAD y DWJZ ningun parti a menciona algo di mal uso di placa, solamente atraso administrativo.
No tabata un proyecto di ultimo momento of desconoci.
Ta completamente falso pa bisa cu:
“E proyecto aki a surgi di ultimo momento.” Of sin cu ASU tabata na altura of Ministerio a haci’e sin cu ningun sa.
E realidad ta diferente:
– A inicia desde 2023 riba peticion di Federacion Atletismo cu ta miembro di ASU.
– Tabatin reunionnan, planificacion, evaluacion y procedimiento normal di gobierno
E pregunta real: pakico distorsiona?
Athletiek Baan Santa Cruz no a cay di cielo.
E ta resultado di un peticion formal den 2023, un minister cu a move tur piedra pa logra e proyecto, y un comunidad cu a lucha pa infrastructura digno.
