E bishitante di establecimentonan di HORECA awo mester proporciona nan nomber y datonan di contacto ora cu nan drenta aden. Esey ta loke gabinete Rutte a dicidi. Esey ta facilita e realisacion di investigacion di origen y contacto si acaso sosode un brote. Esey ya ta e regla di paisnan bisiña manera Alemania. Den restaurant, cafe’s y terasa, solamente ta permiti pa sinta. Si tin un brote di coronavirus den e industria di hospitalidad, museo of parkenan di atraccion, e luganan aki por wordo cera pa hasta dos siman. Dicho medidanan aki ya por wordo organisa localmente, pero Rutte a enfatisa cu ya esaki no ta un opcion, sino cu e mester wordo haci. Gobierno ta pretando rienda, pasobra e cantidad di infeccion a aumenta recientemente. “E virus ya ta experimentando un avance peligroso,” prome minister Rutte a bisa den un conferencia di prensa. Preocupante
“Nos no kier un di dos blokeo. Nos no mester haci’e, pero esey no ta facil,” Rutte a adverti. “Cada biaha mas persona no ta sigui regla y esey por wak’e dne e cifranan. E ta preocupante.” Prome minister a centra explicitamente riba hobennan, kende, den su opinion, cu demasiado frecuencia no ta mantene nan distancia. “Si bo no a bin ta sigui e reglanan ultimamente: no acerca na personanan di salud fragil, no bay rond di hendenan grandi. Bo no mester core e riesgo ey.”
E cantidad di infeccionnan ta aumentando, specialmente entre e hobennan. “Bo por pensa cu bo ta invencibel, pero bo por infecta otro,” Rutte a bisa. El a haci un yamada na e hobennan pa participa den e investigacion di fuente y contacto si nan resulta positivo. “Esey no ta un traicion na bo amigonan.” Teststraat na Schiphol GGD a verifica e biaheronan di paisnan di riesgo si nan ta bay wordo poni den cuarentena. Segune lista di pasaheronan, e empleadonan lo yama pa wak si e personanan realmente ta aisla nan mes. Lo bay tin un teststraat na Schiphol unda cu nan por wordo getest. Segun minister di salubridad De Jonge, ta imposibel obliga e biaheronan haci un test, pero e situacion na Schiphol lo organisa di tal manera cu ta dificil pa e personanan scapa di dje. Studiantenan Manera cu a keda cla anteriormente, e diana di introduccion den e ciudadnan estudiantil lo wordo ahusta. Reunion di introduccion pa studiantenan nobo ta prohibi y otro actividadnan cu ta wordo realisa den gruponan chikito, sin alcohol y te cu 10’or di anochi. Gabinete ta duna e alcaldenan mas espacio pa actua. Por ehempel, nan por determina cu e establecimentonan di restaurant cera merdia mas tarda y pa no permiti e fanaticonan di
futbol asisti na partidonan di futbol “Si e cifranan ta duna rason pa haci’e, nos lo amplia e medidanan aki na nivel nacional,” prome minister Rutte a bisa.
