Diamars den oranan di atardi polis y tambe brandweer a sali pa Divi All Inclusive Resort, unda cu lo tin candela.
Dos unidad di Brandweer a yega na e sitio y ta haya huma saliendo di e parti dilanti banda drechi di e lobby.
Bomberonan a drenta accion mesora, evitando e candela di sigui expande.
Na e sitio nos a compronde cu nan lo a traha ariba e dak, y posiblemente un chispa lo por a cende candela den e area cera bou di dak, haciendo e poco dificil pa a yega unda e ta.
Hefe di Brandweer y tambe Comisario di Polis Sr. Arnhem a presenta na e sitio.
Tanto guest y empleadonan mester a sali di e hotel debi na e candela. Guest nan cu ta kedando mas banda di pariba por a bay na camber.
En total tres unidad a presenta pa paga e candela. Te cu den oranan di 8’or polis y Brandweer tawata tin e area parcialmente cera.
