Oranjestad– Un oferta reciente pa un cas di 3 kamber cu piscina na Washington, Noord, publica riba red social a causa rabia den e comunidad local. E prijs di huur di AWG 6.850 pa luna ta ser mira como un ehempel doloroso di con e mercado di realestate ta birando mas y mas leuw di e alcanse di e Arubiano comun, specialmente den un epoca unda e costo di bida ta sigui subi.
Fuera di alcanse pa salario promedio
E salario minimo na Aruba ta rond AWG 2.000 pa luna, lo cual un trabador comun mester paga mas di tres bes su salario completo solamente na huur – sin ni conta gastonan como cuminda, transporte, etc.
Reaccionnan riba red social: “Kende por paga esaki? Solamente stranheronan of miyonarionan, mientras nos propio hende tin dificultad pa haya un cas accesible.”
Fair trade
E critica no ta solamente ta riba e prijs exorbitante, sino tambe riba e falta di regulacion den e sector di cas.
“Ki dia Gobierno lo wak e cosnan ki?” ta pregunta di un otro usuario, mencionando e necesidad urgente aki.
