Diaranson anochi pasa di 10’or a sosode un accidente ariba e caminda di WVB cu ta bay pa rotonde Wayaca, entre un brommer y 2 auto.
Ambulance tawata e prome na e sitio y mesora a atende cu e motociclista cu tawata herida y pone den ambulance.
Varios meter mas leu, tawata tin e dos vehiculonan envolvi. Ambos tambe tawata leu di otro.
Tawata trata di un Infinity y e otro un Nissan.
Polis a tarda un poco, pero na yega mesora a cera e area debi cu autonan ta cora basta duro ey ribanan.
Locual nos a compronde na e sitio, e brommer a pasa rasca e parti drechi di e Infinity y ta keda benta mas patras. E Nissan biniendo mas patras ta dal e brommer color geel.
Por a mira cu tire patras di e brommer a kita completamente.
Polis di trafico hunto cu patruya di Playa tawata esnan na e sitio tumando datos di tur esnan envolvi, y lo a pidi pa BFTO tambe pa saca potretnan pa investigacion.
