Ta dushi cu awa a y of ta yobe den e dianan aki. Algun dia pasa ela yobe pa basta rato y a causa e situacionnan di custumber ora e yobe pa ratonan largo. Nos isla cu tin su lugarnan y of camindanan cu ta yena bay over. Nos isla ta bira mas berde den su flora y fauna ta goza di e bendicionnan di ariba . Na Hulanda ta custumbra cu awa sa yobe casi tur dia un crenchi tin biaha largo tin biaha cortico, pero glorificando asina Mama Tera pa luci mas den su bunitesa.
Y toch e temporada di verano aki ta super bunita cu dushi temperaturanan. Un dushi zomer. Tawata tin algun dia bastante calor cu hopi solo, laga tur hende keda paden,
Nos a comprende cu e dianan cu awa a yobe stop yobe stop na Aruba a hasi nos cunukeronan toch hopi contento. Pero amantenan di naturaleza no tur a keda contento cu e kimamentonan aki aya cu e celebracion di Dia di San Juan, Dera gai, cu a tuma lugar recientemente como un di e actividadnan cultural ariba nos isla. Lady Ruth no tawatatey en persona pa a presencia e fiesta di Dera Gai e biaha aki, pero ta spera cu tur cos a cana bon, nechi y trankil sin ningun incidente di candela grandi cu por a sali fei man. Nos atencion tawata riba mi celebracion di Lady Ruth su di 68 primavera den famia na madre patria Hulanda den un dushi ambiente di Alexa cu musica di anjanan setenta, drankjes en hapjes y un dushi bolo “home made” di chuculati blanco y strawberries, masha masha masha dushi mes. Nos a pasa tempo di calidad hungando domino y combersa agradabelmente tocante topiconan di interes actual y di nos alegria di tur dia. Nos tin cu admiti, cu nos no a atende actividadnan social cultural den e ultimo luna aki na Hulanda, pasobra nos a bin pa pasa tempo cu famia mas tanto hunto , come hunto y hunga dushi weganan di mesa manera domino, rummicub, monopoly etc. celebra bida. Lady Ruth a ricibi riba su pagina di facebook hopi felicitacion di su amigo, amiga- y famianan cu a alegra su curason masha hopi mes. Ela gosa e post di fbf Angel Vrolijk cu a pone e cancion di Trio Los Arubenos :” E fecha glorioso” y “Las Mananitas canta pa Topo Gigo, cu Ruthy a ricibi for di amiga Marge Vermeer Luydens, cu ta hopi conosi pa su amor den protesta contra cosnan stranjo cu ta sosode na Aruba, e.o.nos beachnan cu ta wordo kita fey pueblo pa bira propiedad di hotel y mas hotel. Marjorie ta un “born lider” cu hopi amor pa Aruba y su hendenan. Nos por corda su lucha contra e ambiente di sushi na Simeon Antonio, dump, cu, segun nos, ainda no tin un solucion . Danki na mi “best sister friends” Bea, Sharlyn y Miriam pa nan bunita palabranan di curason pa mi cumpleanos nr. 68 cu nos ta tribi dividi den “ 20 anja hoben di curason y alegria y cu 48 anja di experiencia den universidad BIDA. Y tambe danki na Blondine pa a canta Happy Birthday den 3 idioma pa Ruthy. Ach, ta un bendicion di bira adulto mayor cu salud y sabiduria. Ta hanja duele di mira otronan pinta cu wenkbrauwnan super diki blauw cu tattoo y of cu “cosnan falso” anjadi na nan cara, lipnan diki cu ta krul y of curpa cu un ves tawata bunita y normal, original y unico, cu awor ta competi cu e cosmeticanan moderno pa keda “for ever young” y tardi of tempran tin cu enfrenta cu nan cabey aunke hopi tinja tur ora, ta bira blanco sinishi, Oh ma hanja duele di un hoben cu su wimpersnan falso largo di mas y diki di mas pa su cara, nos no ta comprende di con tin cu kier usa y hasi tur cos moderno cu bin na moda ? , Siiiiiii, mi tambe conose e cancion “Live and let live”, pero toch nos ta keda babuca cu ora nan bay drumi y kita tur e cos falsonan ey, tin un di dos cara ta wak nan bek den spiel ? Naaaaah, pa Lady Ruth, mas normal, mas natural, mas mihor. Enfin, nos ta bendiciona cu nos edad di 68 y mas na caminda, segun e boluntad di Bon Dios pa nos bida. Nos ta respeta tur cu no ta di e mesun pensamento aki di Lady Ruth y tin cu ta apoya Lady Ruth y tin e mesun opinion den “asunto di beyesa” segun varios comentario ricibi biaha pasa y ta spera cu mayornan di awendia ta laga “mucha ta mucha” y no forsa nan na edad di 13 of 12 anja caba cu make-up y hilchi halto . Laga nan goza di nan infancia y anjanan di teenager ,hubentud, sanamente sin presion di cosnan mundial den e mundo di “beyesa” pa nan no bira anorexia, cu miedo di come bira gordo y danya nan bunita cutis cu tanto crema etc.
Pa no crea debe cu compra di panjanan di marca, no tin competencia, bo tin un famia pa cria. Danki pa lesa nos relato di e siman aki, pasa un bon dia yen di sabiduria den nos alegria.
Un “bearhug” di Lady Ruth.
