E sentencia di 1 juli 2025 ta pa directiva di CAPA duna na comision 11, e registro di miembronan di CAPA. Di acuerdo cu statutonan di CAPA, directiva a nenga di hacie y cual ta motibo pa comision 11 bay corte. CAPA ta un Cooperativa di miembronan di SEPPA.
CAPA tin + 1500 miembro y e miembro por spaar placa y ricibi un interes hopi biaha mas halto cu Banco Priva y ora di necesidad, e miembro por fia te cu 25 mil florin cu interes mas abao.
Un cooperativa ta un asosacion di hendenan, kendenan pa un o mas motibu ta lanta e asosacion pa coopera cu otro y busca bentahanan comun. E forma di coopera aki ta un organisacion habri pa miembronan por coopera cu otro, unda nomber, adres, telefoon y awendia e formanan digital mester ta disponibel na tur miembro, pa coopera y comunica cu otro, ora ta necesario. Pa e motibu ey CAPA tin e articulo 30 den statutonan, unda e registro mester ta disponibel pa miembronan. Esaki Juez a mustra tambe. Durante tratamento, Juez a bisa cu e no ta bay obliga directiva yama un reunion General pasobra den e statutonan ya tin e opcion ancra con pa yama e reunion general, uzando e registro di miembronan y articulo di statutonan nr 21, lid 4. Miembronan por yega na un cantidad di firma pa obliga directiva yama e reunion pa duna cuenta di e ladronicia di F 382.000,=. Si directiva no hacie e miembronan mes ta yama e reunion y tur desicion ta legal.
Juez a mustra cu directiva di CAPA claramente a nenga di aplica statutonan. Esaki ta un violacion di e constitucion di CAPA. Pa tur miembro sigur pa e lidernan, aplicacion di Statutonan ta algo sagrado y violacion ta un delito pisa, cual ta motibo den e caso aki pa raya e directiva for di CAPA. Aserca e nengamento aki ta indica algo hopi fishy a sosode. Directiva kier tapa cos den e ladronicia aki di F 382.000,=, cual ta placa di miembronan di CAPA. No ta ladronicia di dosplaca, ni di un florin!!!
Preguntanan cu miembronan kier contesta.
Magaly Brito como Tesorero di CAPA, si e mesun Secretario General di SEPPA, e persona cu ta responsabel pa un bon maneho financiero den CAPA, den reunion general a bisa cu un banco local lo bay paga e F 382.000,=, pero comision 11 tin e veredicto di Juez, den cual Juez ta bisa cu e banco no tin nada di haci cu e ladronicia. Berdad por ta, cu tin algun trahador di e banco cu ta amigo(a) di e sospechoso principal, pero e banco no ta envolvi. CAPA a perde e caso mahos contra e Banco.
Ariba e pregunta di con ora a tuma e sospechoso principal den servicio no a haci un antecedenten-onderzoek na Ministerio Publico, manera ta normal ora un persona bin traha na un Instituto Financiero, Sra Brito a contesta cu esaki a “Escape”nan, esta como lider di un instituto financiero nan a lubida cual ta otro delito.
No tabatin debido informacion di e Tesorera den reunionnan general na 2023 y 2024. No Por Nos sa cu tabatin un investigacion di PG, tambe un Investigacion Forensico, tur sin cu
Doñonan di e placa=miembronan di CAPA por a wak, corda lesanan .
Directiva debe miembronan informacionnan
Tin como 7 casonan den corte contra otro personanan envolvi den e ladronicia. Directiva no a duna ningun informacion, ni di e caso perdi contra e banco local.
Kico a pasa cu e tokennan?
Con a para cu e investigacion di O.M?
Con a para cu e Investigacion Forensico, doñonan=miembronan di CAPA por lese?
Lo tabatin un negligencia “Intencional” di parti di directiva, causa pa Amistad, pa no pidiun antecedenten-onderzoek di O.M., ora ta tuma personal den servicio, anto di un persona cu antecedencia malo di ladronicia? Di con a tarda asina hopi pa ricibi e veredicto contra e malhechor, mas cu un aña despues cu a descubri e robo, di sept 2022 pa okt 2023?
Di con a tarda como 6 luna, okt 2023 – april 2024, pa “beteken” e vonnis?
Ki dia ta splica e 10 casonan den corte?
Tur ta preguntanan cu doñonan =miembronan di CAPA, kier sa di e directiva di CAPA.
Sigur ta cu e interes cu miembronan ta ricibi ariba nan spaar pa e aña di ladronicia, tabata algun percentahe menos. Claramente miembronan a keda perhudica dor di e ladronicia.
Den SEPPA violacionnan di statutonan ta multiple y mahos!!
Ora nos pasa ariba e maneho den SEPPA, nos ta wak cuanto violacion di statutonan di SEPPA, sra Brito, como Secreario General a comete.
Art 10 lid a y b no a duna cuenta di e maneho financiero for di 2014, tampoco presupuesto y plan di trabao. Miembronan no a ricibi ningun informacion.
A viola art 10, Lid F y G, for di 2013, dor di no a tene eleccionnan.
Art. 19 lid 4, for di 2014 no tin directiva mas, cual organo mester supervisa e maneho di sra Brito como Secretario General.
Articulo 19 lid 5, directiva ta duna e secretario General decharge pa e maneho financiero cu e a hiba, pero for di 2014 no tin directiva. Pues Secretario Gral no a ricibi decharge pa su maneho financiero. Tin hala di violacionnan pisa cometi dor di e Secretario General Magaly Brito.
Cu e veredicto tocante violacion di statutonan y e tantisimo violacionnan di statutonan den SEPPA, mihor cos cu Magaly Brito por haci ta tuma su retiro for di SEPPA, pasobra miembronan ta bin pe y no tin scapatorio. Ni si e busca hala di miembronan di directiva di antes pa consehe y e mihor abogadonan.
Un miembro di SEPPA ta un hende drechi, bon prepara, pues “Keda Keto” frente e total di 6 violacionnan di statutonan di SEPPA=delitonan, durante hopi aña, NO ta un opcion, esaki ta converti e miembro cu “Keda Keto”, den un persona sin principio, un trahador debil. Tur e violacionnan describi aki ta demonstra cu sra Brito y su grupo kier converti CAPA y SEPPA den organisacionnan mafioso. Pa tur hende ta bisto cu e violacionnan di Statutonan ta orden di dia. E balornan democratico cu nos ta anhela, Checks and Balance=control ariba gastamento di placa, tur a wordo benta afor dor di Sra Brito.
Miembronan mester pone orden den SEPPA.
