ORANJESTAD – Minister Cecilia a cancela pa di dos biaha consecutivo su asistencia na reunion di Parlamento. Parlamento a keda planta ora cu e no a presenta den e sesion di vragen uur, cu tabata dedica na e tema di aeropuerto. E reunion mester a tuma lugar diamars mainta 11’or.
E reunion aki tabata importante pa discuti e decisionnan relaciona cu Schiphol Group, unda ta trata di un acuerdo di mas cu 12 miyon florin y un director cu ta gana un cantidad grandi di placa. Gobierno di AVP kier regala Schiphol adicional 6 miyon.
Varios parlamentarionan ta considera e acto di Minister Cecilia como un falta di respet. Nan ta pidi pa e mustra responsabilidad y e presenta na parlamento pa duna claridad na pueblo tocante e tema crucial aki, cu ta trata di futuro di aeropuerto y maneho di fondo publico.
