Prome Minsiter di Aruba a informa dialuna anochi cu Covid a bati tambe na su porta di cas, unda un yiu di dje a test postivo: Premier Wever Croes a bisa:
Covid a toca na nos porta y na nos famia tambe, un yiu dimi a test positivo pa covid y pesey mi ta tumando na cuenta tur e reglanan di precuacion y ta hasi e conferencia di prensa aki den un otro locacion, e prome minsiter a bisa enbibo durante e rueda di dialuna anochi.
Nos a pasa como Aruba den fin di siman hopi duro, e ta e fin di siman mas peor te ainda den e crisis aki di covid, nos a yega na 513 caso positivo di cual den e ultimo dia nan nos a mira un aumento drastico, pero danki dios nos a cuminsa mira tambe e cantidadnan di caso nobo pa dia a cuminsa baha.
Siman pasa dialuna nos a tene un conferencia di prensa ora cu nos premira cu nos lo habri siman cu 8 caso nobo positivo, e momento ey nos a duna decisionnan di biaha, precaucionan importante pa asina metiga e plamamento di e virus aki. Su dia siguiente e’la subi na 39 caso riba un dia, nos di cu esey tabata hopi, e sigiente pa diahuebs nos a subi na 92 caso nobo, diabierna ta 133 caso nobo riba un solo dia.
Diasabra e la cuminsa baha un tiki na 113, diadomingo nos a mira 54 caso y dialuna nos a wak cu e ta na 67 caso, pues e peak grandi cu nos a mira den e fin di siman, danki dios e’la cuminsa baha y esey ta e meta di locual nos ta hasiendo door di nos strategia pa mitiga, pa baha e cantidad di casonan nobo tur dia y unabes nos logra baha esey pa nos percura yuda tur hende pa nan recupera y asina nos crush ta curve un biaha mas.
Nos a hasi’e un biaha caba y nos por hasi’e un biaha mas, ta hopi importante den e fase aki pa comparti mas tanto informacion cu ta posibel cu tur nos televidentenan, nos audiencia, henter comunidad di Aruba, pasobra no lubida, diciplina y nos cordialidad ta bay ta e yabi di nos exito den combati e virus aki.
