Tres cos cu hende tin cu pone masha atencion na dje den bida, pasobra ta asunto delicado cu ta yudabo tur momento y bo crecemento ta depende di nan pasobra nan ta dicidi, si bo ta bay dilanti of bo ta bay atras.
Pa cuminsa como mayor . bo yiunan no mester tin miedo di bo, sino bo yuinan mester respeta bo, esey ta bini ora abo mes como mayor ta duna respet, ora bo yuinan, mira respet entre boso dos como mayor, nan ta bin respeta di mes , pasobra respet ta sali for di curason.
Bijbel ta bisa den Santiago 1:19-20 lo siguiente: Comprende esaki mi rumannan stima, tur hende mester ta lihe pa tende,no lihe pa papia,y no lihe pa rabia. Pasobra rabia di hende no ta produci husticia di Dios.
Rabia ma no haci pica,no laga solo baha riba boso rabia y no duna diabel oportunidad .( Efesionan 4:26-27).
Tur hende por rabia, no ta existi un hende cu nunca a rabia, pero rabia no ta cos di broma cune, ni tampoco usa bo rabia pa manipula hende, ni tampo herida otro hende pa motibo di bo rabia, y hopi biaha inocente, por ehempel e rabia ta entre e pareha, pero tin biaha e yuinan ta sufri e consecuencia tanto verbal como fisico.
Tin biaha hende ta kere ta masha great nan ta , pero ta debil nan ta, hende ta wordo apoya, pa tuma desicion descabeya, pero si bo wak , ta pa motibo di rabia nan ta hinca nan curpa den un situacion dificil.
Un mucha ta bini for di scol y bisa su mayor, cu Tino a dal e, y e mayor ta actua manera hende for di tino, y bise bay dal e bek sin puntra prome kico a pasa. Y asina problema grandi a cuminsa, cu a pone mayor cay den man di polis y yiu a perde scol.
Rabia por kibra famia, danja relacion, kibra enemistad, pone hende perde trabao,causa accidente,causa violencia, kibra matrimonio y hasta causa suicidio of crimen.
Proverbio 16:32 ta bisa: Esun cu ta no ta rabia lihe ta miho cu e poderoso,y esun cu ta goberna su spirito, ta mihor cu esun cu ta captura un stad.
Tambe ta para scirbi den Proverbionan 25:8: Esun cu no tin dominio riba su spirito ta manera un stad basha abao sin muraya.
Rabia ta trece mal spirito , den rabiamento no tin nada positivo, tur hende mester pidi Dios, yuda nan controla nan rabia.
Moises a rabia tres biaha, su prome rabia a pone mata hende, su di dos rabia a pone kibra e piedranan di dies mandamento, y e di tres rabia a pone dal e baranca, cual Dios a mande papia cune, y esey a causa cu e no a drenta e tera priminti.( Numbernan 20:1-13).
Esaki ta un ehempel cuanto danjo rabia por haci na bida di hende,
Mescos cu dominio propio por scapa nos bida, mantene nos integridad,y cuida nos testimonio.
Den Genesis 39 Hose a demostra cu hende mester tin dominio propio, cu aunke un relacion sexual a wordo ofreci na dje, e a corre bay pa respet pa Dios y su prohimo.
Cuanto hende no a perde nan matrimonio pa falta di dominio propio, y cuanto hende no ta sera awendia pa falta di dominio propio.
Un hende cu no por domina su mes, hopi biaha ta activa un karakter di animal, cu ta despues di su acto, e ta bin calma y ripara e danjo cu e a haci na otro y na su propio bida.
Sinceramente , Pastor Marcel Balootje
