ORANJESTAD – Segun parlamentario Evelyn Wever-Croes, Aruba ta den peliger real: De Meza no por bira oficialmente minister, pero e ta dirigi via e porta di cushina. Segun e mesun minister nobo Herde, e lo sigi usa “experticio” di De Meza informalmente den e ministerio di Infrastructura, Energia y Comunicacion.
Wever-Croes ta bati alarma: “Esaki ta un kiebro di e ley di integridad, un falta di respet pa Constitucion y un peligro pa nos sistema democratico.”
Segun Constitucion di Aruba, un miembro di Parlamento no por ta involucra den gobierno, ni pa duna “conseho informal”. E mesun persona cu Parlamento mester controla, no por ta influenciando e ministerio tras di cortina. Si Herde ta maneha su ministerio riba un fundeshi ilegal, esaki por costa su propio confianza y hasta su puesto, segun Wever-Croes.
MEP ta exigi claridad y ta bisa: lealtad politico no por tapa falta di integridad.
