Parlamentario Endy Croes a splica cu caya ta papia cu Mike Eman ta yudando Leoncita.
Nos por corda con fiel Leoncita ta na Mike y con el a defende Mike y Benny su bagamunderianan abiertamente.
Leoncita recien a wordo condena cu castigo di prison
Ta fresco den nos memoria con Benny Sevinger x minister di AVP a enrikece su mes cu patrimonio di pueblo. Leoncita ta un di esnan cu tambe a bende tereno di pueblo y a gana masha hopi placa y a wordo condena pa Hues den e caso Avestruz esta e caso di Benny Sevinger. Benny Sevinger a ricibi 4 aña di castigo di prison. Hues a incauta den e caso aki 2.4 miyon florin cash riba un cuenta na Corsou ( Orco Bank) riba nomber di Susebeek e man drechi di Benny Sevinger. Hues a prueba cu e placa aki a bin di benta di tereno di gobierno. Pues Hues a kita e placa aki for di nan y a laga e account cu 0 florin. Por corda den sentencia di Hues a menciona cu Sussebeek a cumpra un ‘dripsystem’ di Afl.25.201,- pa muha Benny su hardin. Tambe Sussebeek a cumpra hekwerk na balor di Afl.14.400,- florin pa Benny su cas. Pa complementa esaki Hues a prueba con Susebeek a paga Afl.19.987,- pa un Vectra Gym pa Benny train. Alaves a prueba cu Holiday Inn a paga 8000 dollar pa fiesta di 15 aña di yiu di Benny. Asina tin hopi mas. Caso Aveztruz di AVP a bira e caso di corupcion di mas grandi den historia di Aruba. Prohibi pa lubida! Den tur e caso aki Leoncita tambe a bende tereno di gobierno y a strika 900 mil florin. Leoncita tambe a ricibi condena di Hues.
Placa a caba y mester cen pa paga abogado
Casonan asina ta tuma hopi tempo y ta costa hopi placa. Leoncita segun fuentenan su placa cu el a gana na manera inhusto bendiendo tereno di pueblo pa bira rico a caba. Leoncita mester placa pa paga abogado. Caya ta papia cu awor Leoncita ta bende gobierno “mata”. Mientras Mike Eman a papia cu gobierno lo planta 100 mil mata. Aparentemente 35 florin pa mata pues saca bo som. Leoncita segun caya ta tras di cortina den ‘ful’ e show di Mike Eman. Nada straño. Lo haci pregunta via canalnan oficial pa por trese claridad riba e caso aki. AVP ta y ta keda e Universidad di corupcion.
