Diabierna merdia por a mira varios polis poco mas pariba di rotonde di Cumana.
Na e sitio por a mira tambe dos persona deteni y un auto kibra.
Segun polis e problema lo a start na Primavera, momento cu e Yaris a pasa dilanti un adres y segun version di e otro partido e chauffeur lo a wak e cu mal cara.
Asina e incidente aki a sigui y e partido na e cas lo a kibra e windshield di e Yaris cu un klinker.
Polisnan a topa cu un di e partidonan altura di Italo Arubano y despues e otro tambe a yega. Segun un di e hombernan nan conoce otro y segun e otro homber nan no conoce otro.
Ey mes na e sitio ambos a bisa cu nan ta entrega keho contra otro, y no a keda polis nada otro pa detene tur dos y bay cu nan warda.
Takelwagen a bay cu e auto tambe.
Na warda polis lo tin di bay averigua kiko ta e problema entre e dos hombernan aki.
