Un hoben Israeli di 16 aña a wordo viola pa un grupo di mas di 30 homber, cu a abusa di dje
den un camber di hotel, den un caso cu a scandalisa e pais y a motiva marcha di colectivonan feminista. E adolescente tabata di vakatie na Eilat, un popular destino turistico zuid di e pais na costa di Lama Cora. Segun testimonionan, e tabata cu un amiga y algun conocido ora cu el a bolbe bek na e camber di hotel pa bay baño, y tabata eynan caminda el a wordo ataca pa e suhetonan cu a probecha su estado di buracheria. Despues di e violacion grupal, e victima a bolbe na e ciudad di Ashkelon, unda cu el a presenta diabierna dilanti autoridadnan pa denuncia e hecho. Ora cu e agentena a cuminsa cu investigacion, nan a haya mensahe cu un di e presunto atacantenan: eynan un sospechoso di 27 aña a revela cu tabata tin video di e hecho. Tras di a wordo aresta, el a sigura cu un hende mas a skirbi esaki cu su cel, purbando di desliga. Pero si el a revela e detayenan riba e anochi di e crimen. Segun el a relata, mas di 30 homber tabata tin sex cu e hoben y a sigura cu e atacantenan a forma un fila den e camber, wardando nan “turno.” No obstante, el a afirma cu e accionnan a wordo consenti pa e menor di edad, intoxica y enfrenta na un multitud. E abogado di e sospechoso a purba di acusa e victima, señalando cu el a yama nan pa drenta y cu solamente el a denuncia nan ora cu el a haya sa cu tabata tin video. Un di dos homber tambe di 27 aña a wordo aresta, pero ainda no a trascende na prensa local e contenido di su declaracionnan. Mientras tanto, hotel Red Sea a nenga cu e hecho a tua luga den su instalacionnan, declaracion cu ta contradici e documentonan di e denuncia. Ante e revuelo y indignacion, e lidernan politico local a expresa pa condena e crimen. “Awe mainta, mi casa Sarah y ami a lesa riba e violacion na Eliat. Ta impactante, no tin otro palabra. No solamente ta un crimen contra e mucha muhe, ta un crimen contra humanidad, merecedor di tur condena,” e prome minister Benjamin Netanyahu a skirbi, kende tambe a pidi tur peso di ley pa e responsabelnan.
Di su parti, prome minister alterno, Benny Gantz, a skirbi: “Desde ayera mi a purba di compronde y mi no por. Kico un homber ta purba di demostra cu e ta para den un rij hunto cu decenas di homber den un caber den cual un hoben ta… drumi? Lo unico cu ta proba ta su bahesa mental y moral.” Ademas, el a manda su apoyo na e victima y a sigur’e cu e no ta su so. E colectivonan feminista a anuncia marchanan pa e anochi di diahuebs pa exigi husticia pa e victima y aresto di tur e participantenan di e violacion.
