Diabierna madruga a drenta informe di un accidente na Bubali, mesora a dirigi tanto polis como ambulans na e sitio. Na yegada di e patruya a compronde cu un auto lo a bira dilanti e brommer y e motociclista a cay. No por a confirma si e brommer a dal e auto of no pero e brommer a keda basta destrui y e motociclista tabata basta mal herida. Na yegada di e ambulans nan a atende e victima y a transporte cu urgencia pa hospital. Mientras polis a sera e caminda pa basta rato pa investiga con exactamente e accidente aki a pasa.
