Minister Marisol Lopez Tromp a informa diabierna atardi, na Arashi, cu te ainda e impase no ta regla entre su persona y su coleganan. E minister a bisa cu apesar cu Minister Bikker a emiti un mensahe di reconcilacion y cu ta restaura trabao cu Lopez Tromp, esaki no ta suficiente, pasobra tin un carta cu siete minister a firma.
E minister ta exigi awor pa demas ministernan “trek in” nan carta cu nan firma, y apenas e ora ey e por renuda trabao y restuaura relacion cu Conseho di Minister.
“A wordo pidi na prome minsiter pa intermedia, dia 31 di juli anochi. Prome minister a pone algun sesion pa por a conversa. E comunicacion cu prome minister semper tabata tey”.
Motibo cu a intermedia, tabata pasobra no tabatin conseho di minister, y den e cuadro ey a intermedia. Minister di Husticia a bisa cu di su parti e no tin obhecion pa continua cu precensia di Marisol den Conseho di Minister. Ministernan di MEP tambe a expresa esey, pero e unico a expresa awor, ta Minister Andin Bikker.
Mas minister a firma documentonan, cu a mustra cu ta siete minister a firma, cu nan no tin confiansa mas pa sigui cu e trabao y ta un onwerkbare situatie y pa retira Marisol, pesey conseho di minister no a sigui mas. Ta expect esey tambe di esnan cu a firma e carta ey, pa trek in e carta, of skirbi un carta, expresando nan mes cu e trabao por sigui.
