Diasabra mainta a drenta informe di un accidente cu hende herida na Sombre, mesora a dirigi tanto polis como ambulans na e sitio. Na yegada di e ambulans nan a atende un dama herida y a hib’e hospital. Na yegada di polis a bin compronde cu aki ta trata di un accidente unda cu e dama chauffeur di e Chevrolet Aveo a bay subi e caminda sin a mira cu tabata tin un KIa Rio ta bini di pariba. Aunke e chauffeur di e Kia Rio a brake e impacto tabata inevitable. Debi na e impacto e dama chauffeur di e Aveo a resulta herida pasobra despues di e impacto di e auto su auto a sigui bay dal riba un palo di lus.
