Riba 18 di juli, 1959, e ceremonia pa loke tabata apertura di un resort nobo riba Palm Beach a tuma luga den presencia di diferente invitado, dignitario, y ambos representantenan di gobierno di Aruba y Hulanda. E propiedad a ocupa 15 acres di e isla su bista di lama di mas spectacular cu hardin tropical, reflehando Aruba su vegetacion indigena, el a ofrece un anfitrion luhoso, cu servicio y productonan inovativo pa su bishitantenan.
Durante e añanan, e resort a logra na haya un reputacion estelar como un punto di e isla su hospitalidad cu 358 camber luhoso. Su team fiel, dedica y perseverante cu ta bini tur dia pa traha duro y comparti e isla su cultura y herencia cu nos bishitantenan, ta bay cas tur dia cu smile riba nan cara, sabiendo cu nan a contribui na popularidad di Aruba y su hendenan, cual e resort como tambe e isla su pilar economico di mas importante.
Mirando e bandera di Hilton na laire durante ultimo dies aña, den pleno celebracion di su 66 aniversario, e resort a host un lunch special pa honra e pioneronan den hospitalidad, mayoria di nan a retira algun tempo atras caba, pero nunca a wordo lubida.
Cu e tipo di asistencia di Jeffrey Matos di Club Kibrahacha 60+, e evento a trece hunto algun ex coleganan cu tabata forma parti di e team historico di Aruba Caribbean Hotel pa un encuentro memorabol hunto. Akinan tabata tin presencia di entre otro Josephine Panthoflet, Eddy Tromp, Ruben Pieters, Ruben Boekhoudt, Thomas Giel, Henry Scott, Judith Koeiman, Vera Franken, Orvin Croes, y Johnny Geerman.
Acompaña pa e bishitante di nan escogencia, e resort su directornan actual y General Manager a duna bon bini n’e ex coleganan. E encuentro tabata yena cu memorianan nostalgico, storianan bunita y hopi harimento, combina cu un delicioso lunch n’e resort su restaurant Sunset Grille, prepara cu hopi expertisio p’e team culinario.
Varios di esnan retira a sirbi rolnan grandi den pasado, incluyendo trahando n’e famoso Klompen Club y cu posicion di liderazgo den departamento di Food & Beverage. Notabel ta cu Orvin Croes y Johnny Geerman ainda ta sirbiendo e resort su banquet y team di bellman orguyosamente. Cada persona a comparti un recuerdo importante durante nan tempo di Aruban Caribbean y expresa nan gratitud p’e invitacion inespera aki cu nan a haya pa join e lunch. Esaki tabata un bunita encuentro yena cu storianan fascinante, memorianan bunita di loke tabata temponan aya n’e resort, hunto cu varios potret di antes, comparti cu e ehecutivonan actual cual tabata hopi leuk pa mira y refleha riba nan.
Pa medio di honra e ex coleganan aki, Hilton Aruba Caribbean Resort & Casino ta reinforsa su compromiso continuo den perserva e resort su historia y spirito autentico di hospitalidad Arubiano.
