Diaranson, den oranan trempan di mainta Unit Narcotica conhuntamente cu Team di Aresta a tene un entrada hudicial na un percela den Caya Luna.
Durante e entrada hudicial a detene dos persona. Ta trata di e homber di inicialnan A.S.S. naci na Aruba di 28 aña y e hende muhe di inicial G.D.J.T. naci na Aruba di 25 aña.
Durante e entrada hudicial a confisca un arma di candela, municion y cantidad considerabel di droga (marihuana).
Pa cu e accion encuestion varios departamento a yuda entre otro Polis Uniforma, Flex Team, BFTO, K-9 di KPA y K-9 di Douane.
Cuerpo Policial ta keda haci un apelacion na persona cu sa of a wak algo pa yama e tiplijn di Polis 11141. Bo ta keda anonimo.
