Diahuebs mainta, Sr. Jeffrey Schuilenburg y Tony Sneek a yama un rueda di prensa pa asina anuncia un accion di firma.
Schuilenburg a bisa: Nos ta para aki dilanti di estatua di Boy Ecury, pa cual e tabatin un mensahe hopi cla y aworaki nos por usa e mensahe di Boy Ecuri awe. Pa casualidad no ta dilanti VNO, y ta casualidad hopi grandi cu Boy Ecuri su statua ta dilanti oficina di Cas di Hulanda na Aruba VNO.
Campaña pa coleccion firma:
Jeffery Schuilenburg a anuncia cu e lo cuminza un accion di firma, pa loke ta pasando actualmente entre Aruba y Hulanda.
E firmanan cu lo wordo colecta, lo wordo entrega na oficina di VNO pa wordo manda Hulanda. Lo cuminza un accion di firma, pa manda un mensahe cla pa Hulanda. Nos no ta contra control financiero. Nos no ta contra cu si Hulanda kier binii aki y wak unda su placa ta bay. Nos problema ta cu nos mester negocia cu cucui na garganta awe, pa entrega autonomia di Aruba. Entregando autonomia, nos lo bira un provincia y nos lo bira cuidadanonan di segundo categoria.
Schuilenburg a sigui bisa: E descion cu Gobierno mester tuma ta sea tuma placa y entrega autonomia, of no ta keda para cu nos autonomia. Tur gremio, sindical y comercial a bisa caba, pa no entrega autonomia.
Awor pueblo mester papia. Si pueblo dicidi cu mester entrega autonomia pa un tayo di cuminda, e ora nos mester biba cu esey tambe.
Na Corsou, sindicatonan a uni forsa pa asina mansa e mensahe cu no ta negocia autonomia di Corsou. Schuilenburg a bisa tmabe cu e t aspera cu na Aruba tambe sindicatonan por haci mescos.
Un apleacion ta bay na Clero, pa uni den oracion, pa e desaroyo aki por termina lo mas pronto posibel. Hendenan cu ta kere den nos ser supremo, uni den oracion.
Chantage:
Hulanda ta bezig cu algo cu no ta husto, mei mei di un pandemia, pa negocia nos autonomia. Esey ta chantage. Chantage ta un acto criminal. Pa esnan cu ta pensa cu si Hulanda grijp in ta algo bon, mi ta puntra: Con bo kier pa criminal bin aki, bin drecha crimen? Esey ta cos cu no ta bay. E prijs ta mucho halto. E prijs pa paga bek, un puchi placa, cu nos autonomia, no ta negociabel.
Tweedekamer:
Si van Raak, ta bisa cu, e tin miedo cu e placa wordo manda Aruba, lo caba den man di criminal of elite groep, esey ta significa cu Den Haag sa cu tin hendenan cu a corupmpi, hendenan cu a estafa, dicon bo no ta manda un technische bijstand? Dicon bo ta manda hende? y awor si bo kier grijp in completo?
Hoben y Arubiano nobo:
Schuilenburg a sigui dirigi su mes na hobennan y Arubiano nobo, indicando cu ta autonomia a duna nos tur loke nos tin desde 1986 te cu awe. Cu tabatin gobernante cu a probecha di autonomia, ta berdad. Pero ta danki cu nan por a tuma desicion, awe por tin hotel, hospital, brug, caminda, etc. Si e desicionnan ey mester bay Hulanda pa cuatr ambtenaar tuma decision pe isla aki, anto nos ta hopi mal para.
Jeffrey ta haci un yamada na tur den comunidad pa sigui e movecion aki via facebook, radio y television pa asina bo por firma.
