Diasabra awor, Aruba lo cera conoci cu e Aruba Caiso Monarch 2025. Un total di 10 cantante lo participa na e contest, di cual dos ta artista femenino. Esaki ta nifica cu e monarca lo por keda den nomber di un Caiso King of Caiso Queen.
Na caminda pa e evento y competencia musical, titula “Calypso Showdown”, Stichting Musica a organisa un anochi pa “trek lot”y pa prensa por conoce e 10 artistanan un poco mas di cerca. Manera ta custumber, Stichting Musica a haci e trekmento di lot den un forma dibertido y esaki ta e resultado pa e secuencia di presentacion:
1. Queen Sashah – Name: Sashah Figueroa – Song title: Johnny
2. Dr. Hook – Name: Charles Hooker – Song title: Moving Forward
3. Queen Melody – Name: Emelie Peterson – Song title: Who Protectin’ We 4. Mighty Tattoo – Name: Richard Quant – Song title: Proud Arubian
5. The Commissioner – Name: Dolfi Richardson – Song title: The Thing About Us 6. Lord Lally – Name: Soilo Sanchez – Song title: They Hungry For Power
7. The Soca Mafia – Name: Angelo Richardson – Song title: Stop It Now
8. Galloway – Name: Carl Roosberg – Song title: It’s Up To You
9. Mighty Jaoul – Name: Ralph Godet – Song title: Justice or Just Us
10. Easy B – Name: Bradley Vesprey – Song title: Pass D Mic
Calypso Showdown ta tuma lugar diasabra awor, dia 9 di augustus na Kulture Café, San Nicolas. Riba e dia aki trafico lo wordo desvia cu ayudo y permiso di Cuerpo Policial di Aruba. E rotonde dilanti di Nicolaas Store lo wordo converti den un pleinchi vibrante na unda e ritmo y melodia Caribense di Calypso lo resona. Stichting Musica ta gradici tur establecimento y esnan residencia den e area aki pa nan cooperacion.
Pa reserva un mesa (pa 10 persona), por tuma contacto via Whatsapp na 566-1819. Entrada ta costa 35 florin pa persona y aworaki ta disponibel solamente na CITGO Essoville y via Pay.AW. Tur hende lo ta VIP riba e anochi aki, cu mesa y stoel pa sinta. Pues, no ta necesario pa trece bo mesun stoel.
Stichting Musica ta invita henter pueblo di Aruba pa bin disfruta di un competencia fuerte y un tremendo show cu Guest Stars y e Lifetime Achievement Award na Claudius “Mighty Talent” Philips. Bar y cushina lo ta bon surti.
Calypso Showdown ta priminti di bira un evento historico cu un balor grandi pa nos herencia cultural. Un presentacion di Stichting Musica, conhuntamente cu Setar NV y cu aporte di Brouwerij Balashi, Elite Productions & Entertainment, Aruba Tourism Authority y Aruba Airport Authority.
