Den un sala yen di Cas di Cultura weekend pasa, Addonsito Croes tabatin e honor di fungi como e maestro di ceremonia p’e certamen Miss Universe Aruba.
Co-host a fungi e simpatico presentador Angie Dirks cu a haci un bon trabou animando e anochi final na un forma unico.
Cu e articulo aki, Addonsito ta desea di gradici My Dream Institute Foundation di sra. Anoutchka Koolman-Burleson y tambe Giandra Figaroa di MiMarketings, pa e confiansa brinda. No ta tur ora un persona ta haya un oportunidad grandi asina.
Tambe mi kier felicita Aruba su reina nobo, Miss Universe Aruba 2025, Hannah Arends deseando su persona tur exito di universo den e certamen di Miss Universe 2025, na Pak Kret, Bangkok, Thailandia. Hannah a keda corona pa Prome Minister di Aruba, mr. Mike Eman.
Na e otro 3 candidatanan Sammy van Pinxteren, Emily van Spaandonk y Tanisia Silvania, su mensahe ta di ta contento y orguyoso pa sa cu cada un lo representa Aruba den otro certamennan internacional den futuro. Boso speech di inspiracion a causa impacto grandi.
E eleccion tabata dificil pa e hurado como cu e certamen a conta cu 4 candidata sumamente fuerte y bon prepara. Finalmente e publico a sostene e desicion di e cuerpo di hurado cu a consisti di Darrelyn Maduro, Eileen Arends, Gigiola Arendsz, Georgie Reyes, Kimberly Kuiperi, Frank Croes y asistente di hurado Susanita Diaz-Maduro.
E artistanan invita Club di movimento, Watra Trio, Jo-Amy Morcillo y Jennifer van der Biezen y cada video riba e pantaya tabata tremendo.
Na Javan Croes, Charles Croes, Gisela Blandon, Edson Everon, Andrew Curiel, Kuro y Prensa di Aruba presente, masha danki pa e sosten incondicional na e organisacion. Organisa un certamen di e nivel aki, no ta nada facil mas.
Potretnan pa cortesia di Rex Aruba.
