Diamars anochi, si diamars anochi 12-8- 2025 , Iglesia Pentecostal di Aruba, situa dilanti di Macro na San Nicolaas, den edificio di Ibero High School, ta organisa un anochi speciaal di oracion ,pa tur mucha cu ta bay cuminsa school otro siman cu Dios kier,
Mayor trece bo yiu pasobra Dios mester ta na prome lugar den bida di bo yiu.
Dios mes lo dune, bida, salud, sabiduria, confiansa, respet, animo pa e ta victorioso den e anja escolar aki.
Dios mes lo libre di tur sorto di malesa, di bullying, di pleito y bringamento .
Dios mes lo provee pa abo cu ta mayor por cubri tur gasto cu por presenta.
Lo ta un anochi dedica na muchanan y mayornan caminda mucha y mayor lo ricibi oracion.
Tempo ta dificil rond mundo y nos sa cu esey ta conta pa e muche tambe, ta pesey nos ta aserca e trono di gracia di Dios, prome cu tur cos pa nos hanja ayudo, den tur cos. Pasobra pa Dios nada ta imposibel.
Si anja pa sa no a bay bon, nos ta encurasha tur mucha, pa lubida pasado, y drenta un anja escolar cu pensamento victorioso, cu bo ta bay truinfa y lo bo bay gradua, pasobra manera un hende pensa asina e ta.
Y diasabra 16 di Augustus, nos ta serca vakantie cu broche di oro, caminda nos lo tin e diasabra di CLOTHES DONATION, caminda nos lo duna panja usa y tambe panja nobo, pa mucha y hende grandi, GRATIS y tambe lo tin e famoso SOPPI pa duna e mucha e forsa y inteligencia, pa asina e por tin un anja escolar exitoso.
Nos ta ricibi panja , henter e siman aki tur anochi di 6:30pm pa 8pm.y diasabra tambe for di 7 am te cu 3pm durante e actividad.
Please no warda te diasabra pa trece articulo, pasobra tur mester wordo controla.
Trece tur locual bo kier duna, den bon condicion, limpi y agradabel,cuminsando for di etui, tas y panja, sapato. Camisa, Carson, Sapato, pasobra e necesidad ta grandi.
Tur hende ta bonbini, cuminsando diamars anochi den nos Oracion Special titula : Back to School cu Fe den Dios.
Y no lubida cu Diasabra ta bo dia pa abo y bo Famia, bini y pasa un bon tempo cu nos, na Iglesia Pentecostal di Aruba.
Nos ta conta cu bo presencia.
