Stichting Musica ta invita un y tur pa sintonisa e show y competencia “Calypso Showdown 2025”, diasabra 16 di augustus pa 8’or di anochi na Telearuba (canal 13).
Mira y scucha e presentacion di: Sashah “Queen Sashah” Figueroa, Charles “Dr. Hook” Hooker, Emelie “Queen Melody” Peterson, Richard “Mighty Tattoo” Quant, Dolfi “The Commissioner” Richardson, Soilo “Lord Lally” Sanchez, Angelo “The Soca Mafia” Richardson, Carl “Galloway” Roosberg, Ralph “Mighty Jaoul” Godet y Bradley “Easy B” Vesprey.
Fuera di e 10 participantenan cu a competi cu nan Calypso, lo por disfruta di e presentacion special di Irvin “Mighty Reds” Hazel cu su Calypso ganador di aña 1980 “Arubian Names”, y tambe e tributo na Claudius “Mighty Talent” Philips.
Un show musical y competencia fuerte entre nos artistanan local acompaña pa e All Star Band dirigi pa Dwight Leoneta. E programa ta presenta pa Melvin Garcia y Oriana de Castro-Blijden, hunto cu maestronan di ceremonia Tarrick Ras y Jurina Maduro. Despues di e transmision diasabra awor na Telearuba (canal 13), e programa lo wordo publica riba e YouTube channel di Stichting Musica, cual ta @arubacaisosocamonarch. Pues, subscribe na e canal of sigi Stichting Musica riba Facebook y Instagram pa ricibi tur notificacion y noticia.
Calypso Showdown ta un produccion di Stichting Musica, cu aporte di Setar NV, Tropical Bottling Company, Elite Productions & Entertainment, Telearuba, Aruba Airport Authority, Aruba Tourism Authority, Hunter Security Company y Compra NV.
