Diasabra anochi algo prome cu 9’or y mey polis a bay altura di un hardware store situa na Turibana.
Eynan segun informacion, un persona lo a bula for di auto.
Trafico yegando cerca lo mester a maniobra pa no alcance.
Polis na e sitio a solicita pa ambulance, mirando cu segun nan e homber lo a ricibi golpi na cabes.
Tur esaki, lo tawata resultado di un problema aparentemente di pareha, unda e homber lo dicidi di bula for di auto cay dal su cabes.
Polis a tuma tur datos na e sitio y Paramediconan a transporta e homber pa Hospitaal.
