E delegacion hoben di Beach Volleyball Aruba a sali pa Trinidad & Tobago unda Aruba lo participa y competi na e “CAZOVA Zone U18 Youth Olympic Beach Camp”.
E “U18 Youth Olympic Beach Camp” lo tuma lugar na Tobago for di dia 26 te cu 31 di augustus 2025.
Meta di e “Beach Volleyball Camp & Tournament” ta cu e hobennan bao 18 anja y nan entrenadorta haya e oportunidad unico pa ta parti di Clinicanan di Beach Volleyball na unda nan por a desaroya nan abilidadnan y amplia nan conocemento den e deporte di Beachvolleyball duna door di e entrenadornan experencia di e Fédération Internationale de Volleyball (FIVB).
Aruba ta wordo representa den e competencia U-18 door di e duo femenino Nayah Whitfield y Davy-Ann Eduards y e duo masculino Joshua Hoepelman y Victor Mitchell. Aruba lo competi contra 10 Pais Caribense manera Cayman Islands, Trinidad & Tobago, Barbados, St, Lucia, St, Kitts & Nevis, Bahamas, Antigua& Barbuda, Grenada, British Virgin Islands.
Durante e ultimo lunanan e hobennan aki a dedica nan mes na e entrenamentonan structura y dirigi pa Coach Angel Peña Hernandez y lo bay representa Aruba cu un bon preparacion y cla pa bataya.
Aruba Volleyball Association ta desea su atletanan y Coach hopi exito y ta gradic tur instancia cu a duna un man e.o Lotto pa Deporte y Stichting Subsidie Aruba pa haci e biahe aki un realidad.
Danki y Hopi Exito !
