E Kapel di Alto Vista lo ta cera pa algun dia debi na trabao di restauracion di su dak, cu ta den mal estado. E reparacion aki ta necesario for di algun tempo caba, pa cual a dicidi di haci esaki mas pronto posibel.
Ta pidi e comprension di e publico, ya cu e ceramento aki ta indispensabel pa completa e obra di manera sigur y eficiente. E trabaonan ta inclui pa baha e dak completo y pa reemplasa e biganan.
Mirando cu e kapel ta wordo bishita cu frecuencia, ta pidi pa esunnan cu ta acudi n’e area pa tene cuenta cu e labornan cu ta tumando luga. Ta spera pa completa e restauracion lo mas rapido posibel p’e bishitantenan por sigui bishita e luga sagrado aki sin inconveniente.
