Diamars anochi a culimna e diferente reunionnan tecnico-deportivo cu e federacionnan miembro di Comite Olimpico Arubano (COA) pa asina haya scucha di cada deporte e plannan di entrenamento y plan competitivo di pa e aña aki. E ultimo federacion pa bin na beurt pa e reunion cu e departamento tecnico di COA, Direccion di Deporte (DdD) ta Aruba Bowling Association (ARBAS).
Durante e reunion a combersa cu Presidente di ARBAS Alex Biesum, entrenador
Chris Dammers y atleta Kamilah Dammers cu sigur ta bon conoci pa su logranan como atleta di Bowling. Durante e reunion a splica e proceso tecnico cu lo kier hiba e aña aki, cu ta inclui e preparacion fisico, entrenamentonan tecnico y e diferente competencianan riba programa. Federacion di bowling tin riba bista pa participa na e Weganan CentroAmericano y del Caribe SantoDomingo2026 cu lo tuma luga juli venidero.
COA ta desea ARBAS hopi exito cu e proceso actual, y lo sigui di cerca tur desaroyo den e deporte di bowling.
