Ken a pensa riba Aruba si realmente e por carga e flexibilisacion aki . Pa ken realmente nos ta trahando ? pa ken nos ta construyendo cupo di trabou , pa ken nos ta construyendo scol ? pa ken nos ta construyendo prizon nobo ?
Tin flexibilisacion pa ilegal y imigrantenan, ken a pensa un maneho di flexsibilisacion pa nos Arubianonan cu a nace aki, cu ta na Aruba pa no bandona nan pais? y esnan cu ta den exterior cu kier bin nan Pais bek?, Ken e pensa riba un maneho di flexibilisacion pa nan ? A haci un estudio realmente kico ta conduci cu nos Arubiano nan ta bandona Aruba y busca un porvenir unda cu si nan ta wordo aprecia y respeta y yuda nan bay dilanti ? dicon na Aruba no por?
Ken den e grupo di reunionnan aki a pensa riba Aruba Realmente ? A crea un maneho rond di esaki pa nos localnan? NO . A crea un maneho pa STOP di e falta di respet di comerciantenan cu ta tuma ilegal na pia di trabou conscientemente cu e ilegalnan y imigrantenan ta bin Aruba pa probecha y aproposito trapa riba leynan di nos Pais ? NO .
Politiconan di ayera y awe ningun a pone e interes serio di a traha pa Pais Aruba manera debe ser cu awe ta biba un consecuencia cu comerciantenan, sindicatonan, organisacionnan social NO local y local , consuladonan cu ta apoya e parti aki na nan beneficio y no di Aruba ,pero dicon no ? Ken realmente den e grupo aki a para pa PAIS Aruba ?, si ta papia di un flexibilisacion y no a/ta para tras di e reglanan y leynan y condicionnan actual di Aruba?
Awe nos kier papia di FLESIBILISACION , FLEXIBILIDAD , otro manera di bise , DUNA PREMIO, RELAGA , HASI BON di un situacion cu ta malo y corumpi Pais Aruba , hacie legalmente bon siendo e ta malo. Wrong and strong, na beneficio realmente di Aruba ?.
Un falta di respet pa Pais Aruba y un muestra di mal maneho pa añanan largo di gobiernonan cu no a mira y pone Aruba na Prome luga, y tin pensa di sigui den e rumbo aki? Falta di politiconan cu balentia pa bisa un NO y proteha su Pais ?.
Decisionnan cu a keda tuma :
1-Arbeidamarkt toets a keda poni onhold – beneficioso pa Aruba (Arubianonan) of pa ilegal y inmigrante ?
Arbeidamarkt toets a keda poni onhold pa un temporada, Minister di Husticia y integracion Arthur Dowers ta indica cu e decision di pone e Arbeidsmarkt toets a keda poni onhold debi cu LEY ta stipula cu e minister di husticia ta duna permiso den “overeenstemming of door di minister van Arbeidgehoord “. Aki si e ley ta conta ?/ ta bon pa mantene na dje? Dicon no ora e comerciante y e ilegal ta kibra nos leynan no ta para riba ley ?
Segun minister Arthur Dowers e maneho ta den man di departamento di labor di Pais Aruba y nan mester percura pa duna informacion na DIMAS pa asina hiba e maneho di admision.
Segun Minister Dowers e ultimo añanan no tabatin un maneho optimal den e sector aki y a haci cu a bira hopi dificil pa por a mantene e maneho actual y pa e motibo aki a pone onhold y baha e presion grandi y creciente na e mercado laboral. Segun minister Dowers asina a facilita e proceso door di duna permiso na personanan cu ya ta den mercado laboral sin e toets.
Sinembargo ta focus pa baha e presion y duna permiso sin haci toets, kico Aruba ta haya bek di esaki ? kico ta e beneficio di Aruba pa esey of ta e beneficio pa e mes un comerciantenan cu ta kibra ley y caha di gobierno ta keda bashi ? ki maneho di avestruz/ cancrew esaki ta?
2-Desicion di minister Arthur Dowers ta cu personanan cu ta traha indocumenta y personanan cu ta presente riba Pais Aruba sin permiso cu por yega na un dunado di trabou maske cu na e momentonan aki a keda mucho largo na nos Pais no lo bay over na nenga nan un permiso y tampoco no ta exigi pa bandona e pais.
Den otro palabra pero cu mes un significativo,Minister Dowers ta indica cu si un persona ilegal cu a keda aproposito Aruba y tin un trabou ilegalmente, nos leynan no ta importante paso lo duna nan un permiso paso mercado laboral supuestamente no tin trahado pa traha.
A haci un investigacion dicon e hende nan na Aruba legalmente y localnan no ta hayando trabou realmente ? A investiga cu exigencianan pa un ilegal ta diferente pa un local y of un inmigrante cu si a cana su caminda corecto ta diferente ? E problema realmente ta cu no tin hende pa traha of ta paso no kier tuma hende in dienst cu tur su derechonan?
E decision aki ta conta solamente pa e grupo di ilegalnan cu a kibra nos leynan na Aruba pa añanan largo te cu 1 juli 2025, esunnan cu a sigui cu e mes un operacion di ilegalidad despues di 1 di juli 2025 no ta yega na remarca pa un permiso di flexibilisacion.
Banda di esaki kico ta e mensahe cu ta dunando na e momento nan aki cu ta crea un flexibilisacion sin cu nan ta paga pe? Gaña un premio mayor? Siendo a perhudica un PAIS?, of lo corigi y duna un bon boet pa e mensahe aki ta cla y raspa cu Aruba no ta acepta e tipo di operacionnan aki mas na Aruba? Cua di e dos puntonan aki ta beneficia Aruba realmente ?
3- Minister Arthur Dowers den punto tres tabata bon cla cu e mensahe na e momentonan aki ta pa e dunadonan di trabou cu no lo acepta e modus operandus aki mas, e meta di gobierno ta pa dirigi riba legalisacion di hendenan ilegal cu ta na Aruba na e momentonan aki NO pa trece mas hende y pidi peticion pa legalisa nan, esaki no ta conta den e flexibilisacion. Tur e ilegalnan prome cu 1 juli 2025 cu tin un doño di trabou ta ricibi e flexsibilisacion, esaki mester ta bon cla pa e dunador di trabou y inmigrantenan di afo cu ta pensa di bin Aruba paso tin un flexibilisacion. No ta e intencion di legalisa ningun persona cu ta drenta Aruba na e momentonan aki di afo cu e mes un intencion di kibra ley.
Lo baha pa ricibi y duna permiso na peticionnan di personanan di afo. Awor ta enfoca pa regularisa esnan cu ta na e pais na e momentonan aki cu e maneho di flexibilisacion, sin cu nan ta paga pa viola leynan y regla di Pais Aruba. Esaki ta un bon decision di dies no laga nan para responsabel pa un violacion di regla y ley na pais Aruba?
4- Segun minister Arthur Dowers e grupo di personanan ilegal cu a kibra nos leynan y cu debe Pais Aruba hopi placa di tur e añanan cu nan a keda ilegal y cu no a aporta y paga na manera husto manera tur Arubiano y tur inmigrantenan cu si a cana nan caminda corecto pagando e AOV/AWW AZV di Pais Aruba, segun Dowers awo cu e maneho di flexibilisacion pa haci nan legal nan lo cumpli y paga AOV/AWW/y AZV , pero e placa cu nan debe di a keda tur e añanan ilegal ? ken ta para responsabel pa esaki ? Comerciante cu no a cumpli cu ley y regla ken ta para responsabel pa esaki ? Banda di cu hotelnan tur nan entrada ta bay afo y Aruba ta ricibi Pinuts PINDA di loke ta nan ganashi, ta husto cu Aruba mester carga e mal echo di e cadenanan grandi rond mundo cu no ta cumpli cu regla y ley na Aruba? Ken ta para responsabel pa tur e añanan di perdida na Aruba ?
Banda di cu awo si nan lo legalisa nan lo paga AOV/AWW y AZV, pero e loonbelasting Aruba no lo ricibi mirando cu bou di un suma di 50mil dus un minimumloon no ta paga loonbelasting. Dus Aruba ta solamente haya un parti husto cu lo cuminsa awo enadelante. Realmente e lo crea un efecto ? Ken ta Sali beneficioso sistema di flexibilisacion, Aruba , belasting kantoor , ilegalnan of dunador di trabou ?. Pa ken nos ta trahando? kico ta e vision di Aruba? , kico ta e maneho pa Aruba realmente?
Banda di tur cos con Aruba por confia den un grupo asina cu ya caba a drenta cu mal intencion y pia malo Aruba cu a biba y haci lo incorecto na Aruba den diferente area siendo cu no por, a biba y haci actonan no corecto durante henter na bida na Aruba, ta e grupo aki Aruba mester confia ?
Alabes di tur cos Minister Dowers y Team a haci un maneho sin consulta y haya aprobacion y input di Parlamento di Aruba cu ta e organo di mas halto di Pais Aruba.
Nos ta bon bezig ?
