Ministro di Interior y Husticia, Remigio Ceballos a informa cu diasabra a gara 12 homber cu 89 paki di droga.

Funcionarionan di e departamento Superintendencia Nacional Antidrogas (Sunad) a realisa e operativa. Sunad ta cay bal di Ministerio di Relacion Interiores, Justicia y Paz y di Guardia Nacional Bolivariana (GNB).

Hefe di Comando Nacional Antidrogas di GNB, Alberto Matheus Meléndez, a bisa cu a haya cocaina y marihuana den e saconan y a confisca tambe e barco.

No por descarta cu parti di e droga lo mester wordo distribui pa Aruba y Curacao, enbista cu regularmente ta topando cu mas y mas lancha cu ta purba trece droga Aruba unda hasta piscadornan local of esnan cu ta hunga pasa pa piscador ta wordo gara cu droga. Pues ta un operativa structura cu lo sali di Puerto Escondido casi sigur ta pa islanan.

LEAVE A REPLY

Please enter your comment!
Please enter your name here