Den corte a bin sali na cla, cu recherche a haya mas di mil, o miles di mensahe den un aparato confisca na cas di Polis Vos.
No tabata cla si ta miles di mensahe di wasap, of informe di polis.
Sinembargo esaki no ta e unico aparato. Ta diferente aparato tin y ainda falta pa nan wordo desblokia.
Motibo cu Vos no por a haya su libertad, ta pasobra cu nan kier protega e investigacion. Si e sali, e lo bay daña e investigacion. Esaki pues ta collusie gevaar.
Pues ainda falta hopi, pero masha hopi mes. E caso por bira asina grandi cu e investigacion por tuma algun luna mas.
Muy probablemente tin hopi hende pa duna cuenta na husticia, pues “ainda falta”.
Riba e acusacion di verduistering, esaki ta implica cu Vos a apodera di materialnan di polis cu e no tabatin mag. Por ehempel, varios radio di polis y kisas hasta otro materialnan.
Dia 21 di september, a programa otro caso pro forma, unda lo sigui plania e caso mes mes cu lo tuma lugar mas despues.
