Autoridadnan a logra haya un auto clave cu vincula na e asesinato tragico di Sergio Maduro. E auto a wordo haya na e veld di Jong Aruba/sc United cu ta situa pariba di Misa di Noord. Aunke polis no a emiti un informe oficial ainda, fuentenan cercano ta confirma e hayazgo.
Te awor no a confirma si e vehiculo ta di Sergio Maduro of si e ta relaciona cu e autornan di e crimen. Mientras no tin mucho claridad, comunidad ta wardando ansiosamente pa haya mas detaye di parti di autoridadnan.
Dia 24 di December a haya e curpa di Sergio Maduro bandi caminda di Matividiri. E investigacion ta tumando lugar pa asina pone man riba e asesino.
