Diabierna 30 di januari, Lotto, E Loteria di Aruba, ta contento di por anuncia un opcion mas pa por recarga bo Lotto Online y tambe cumpra. Awo bo por cumpra y recarga bo cuenta di Lotto Online usando e opcion di Pay.aw!
Pa por a recarga bo cuenta di Lotto Online tabata tin solamente e opcion di bishita rebendedo di Lotto. Pero aña 2025 a cuminsa un colaboracion cu Setar pa asina por trece un opcion mas y tin Pay.aw como un otro metodo di recarga y alabes por completa bo compra.
Awo cu nos ta den temporada di Carnaval cu nos tur ta ariba abou of kisas den parada y Lotto ta mas serca di bo, hasiendo e mas facil pa bo semper ta den wega cu bo numbernan preferi!
Con pa registra pa Lotto Online?
Si bo no tin cuenta di Lotto Online ainda, masha facil! Bishita play.lottoaruba.com y click riba e boton di Register y yena bo informacion, email, password, etc. Despues lo yega na e seccion di upload un ID local valido (rijbewijs, passport of ID) y primi “Manda”. Unabes cu e wordo revisa y e documentacion ta corecto y valido, e cuenta lo wordo aproba y ta ricibi un email di confirmacion.
Con pa recarga cu Pay.aw?
Log in riba bo cuenta di Lotto Online, scohe pa “Pone Fondo na mi Cuenta” y scohe e opcion di Pay.aw. Yena bo number di telefon y e suma cu bo ta desea y primi “Manda”. Lo ricibi un notificacion di e app di Pay.aw pa por aproba e request. Ta aproba e transaccion riba Pay.aw y e suma lo wordo manda direct riba bo cuenta di Lotto Online.
Con pa cumpra bo weganan preferi cu Pay.aw?
Scohe bo wega preferi y bo numbernan di suerte of number loco, na final ora di paga, si no tin suficiente fondo riba bo cuenta di Lotto Online, lo por usa Pay.aw como metodo di pago. Yena bo number di telefon y primi “Manda”. Aproba e transaccion riba Pay.aw y asina ta completa e compra.
Cumprando Lotto, bo ta keda contribui na deporte riba nos isla. E meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
