Diamars atardi Sra. Josephine Albertus di Simar a informa cu el’a ricibi yamada di corte unda huez a instrui un paro di cambio di horario di scol, te ora cu e caso cu gobierno a entama, wordo trata pa corte. Segun presidente di Simar, cu e caso lo wordo yama muy pronto! Y mientras cu e caso wordo yama, e horario di scol lo keda mescos te ora cu tin deciscion di hues.
Mesora Simar a haci un anuncio unda nan a cancela nan yamada pa cambio di horario di scol y a instrui tur maestro pa acudi na horario original.
Diripiente Seppa a haci un yamada, cual diripiente a wordo yama un accion. Pues prome Simar a tuma un decision unilateral pa cambia horario y despues Seppa ta haci un yamada pa un accion. Mas cu claro e sindicalistanan ta purba tur sorto di strategia pa asina purba na logra nan meta.
Hecho ta cu e cambio di horario a keda posponi ‘tot nadere orde’.
Pareuw cu e desaroyo aki, nos por compronde tambe cu diabierna awor lo tuma lugar e reunion di Conseho di Ministro di Reino, unda lo trata tur e peticionnan di Aruba.
Aki lo pulsa e opinion di Hulanda pa elimina 50% di recorte di 12.6 y haciel’e 6.3%. Kico lo bira e decision? Lo mester warda diabierna mainta pa haya sa.
